د اوبو رسولو امارتی شرکت او ګرین روت شرکت ترمنځ د همکارۍ تفاهملیک لاسلیک شو
د چاپېریال د
ساتنې، تخنیکي ظرفیتونو د لوړولو او د فاضلابو د تصفیه په برخه کې د خدماتو د کیفیت
د ښه والي په موخه، د امارتي شرکتونو لوی ریاست
اړوند ښاري اوبو رسولو او فاضلابو
امارتي شرکت او د ګرین روت شرکت ترمنځ د همکارۍ تفاهملیک لاسلیک شو.
د ښاري اوبو
رسولو او فاضلابو امارتي شرکت اجرائیوي رئیس ښاغلي مولوي غلامالرحمن کظیم د دې
همکارۍ په جریان کې ټینګار وکړ چې د دې تفاهملیک ټولې چارې باید په معیاري او تخنیکي
ډول تطبیق شي.
همدارنګه نوموړي
د هېواد پر پرمختګ او ابادۍ ټینګار وکړ او زیاته یې کړه: عامه ګټې باید پر فردي او شخصي ګټو وړاندې وي،
او د پروژو اصولي تطبیق کولی شي د هېواد د زیربنايي خدماتو په ښه والي کې مهم رول
ولوبوي.
د دې تفاهملیک
له مخې، د اوبو رسولو امارتي شرکت ژمن دی چې د ګرین روت شرکت د کارکوونکو د ظرفیت
لوړولو په برخه کې همکاري وکړي او د هغوی د مهارتونو د زیاتوالي لپاره تخنیکي او
مسلکي روزنیز پروګرامونه تطبیق کړي.
له بلې خوا، د ګرین
روت شرکت ژمن دی چې د دې همکارۍ په چوکاټ کې خپل د فاضلابو د تصفیې سیستم د تخنیکي
او چاپېریالي معیارونو مطابق لوړ کړي. دغه تصفیهخانه د ۲۴ ساعتونو په موده کې د ۱۵۰۰ متر مکعب فاضلابو د تصفیې ظرفیت لري،
او د دې تفاهملیک په عملي کېدو سره به د هغې د کار د موثریت او اغېزمنې استفادې
زمینه برابره شي.
دواړو
لورو مسؤلینو دغه تفاهملیک د چاپېریال ساتنې، د فاضلابو د زیربناوو د پراختیا او
د هېواد د فاضلابو د مدیریت د سیستم د ښهوالي په لور یو مهم او بنسټیز ګام وباله
او د هغه پر عملي، معیاري او اغېزمن تطبیق یې ټینګار وکړ.