د اوبو رسولو امارتي شرکت او هریرود ساختماني شرکت ترمنځ د همکارۍ تفاهملیک لاسلیک شو
د امارتي شرکتونو لوی ریاست اړوند د ښاري اوبو
رسولو او فاضلابو امارتي شرکت او هریرود ساختماني شرکت ترمنځ د فاضلابو د غیرمتمرکزې
تصفیهخانې د سروې، طرحې، ډیزاین، د ټولو تخنیکي اسنادو د برابرولو، د تطبیق بهیر
د تخنیکي څارنې او د سیستم د ساتنې او مراقبت اړوند د روزنې په موخه د همکارۍ
تفاهملیک لاسلیک شو.
د دې تفاهملیک له مخې، د فاضلابو د یوې غیرمتمرکزې
تصفیهخانې سیستم به رامنځته شي، چې فاضلاب به د فزیکي او بیولوژیکي تصفیې د معیاري
میتودونو له لارې تصفیه کوي د دغه سیستم له لارې تصفیه شوې اوبه به د شنو ساحو د خړوبولو
لپاره وکارول شي یاده تصفیهخانه په ۲۴
ساعتونو کې د ۵۰
متر مکعب فاضلابو د تصفیې وړتیا لري.
همدارنګه، هریرود ساختماني شرکت مکلف دی چې د
پروژې له بشپړېدو وروسته، د تفاهملیک له مفادو سره سم، د پروژې د ټول ارزښت اووه
سلنه (۷٪) د
تعرفې په توګه د ښاري اوبو رسولو او فاضلابو امارتي شرکت ته ورکړي.
په پای کې، د دواړو لورو مسؤلینو هیله څرګنده کړه
چې د دې تفاهملیک په عملي کېدو سره به په هېواد کې د فاضلابو د غیرمتمرکزو تصفیهسیستمونو
د پراختیا، له تصفیه شوو اوبو څخه د اغېزمنې ګټې اخیستنې، د چاپېریالي ککړتیاوو د
کمښت او د اوبو د سرچینو د غوره مدیریت لپاره لا ډېر مناسب فرصتونه برابر شي.