موخې: دا غیرمتمرکز د فاضلابو د تصفیې سیستم د دولتي ادارې لپاره (د عدلیې وزارت کمپلکس) په پام کې نیول شوی وو. د دې پروژې اساسي موخه د فاضلابو راټولول، لېږد، تصفیه او د تصفیه شوو فاضلابو بیا کارونه د بېلابېلو موخو لپاره دي، چې ټول به د یوه واحد مدیریت تر چتر لاندې ترسره کېږي. په دې پروژه کې اقتصادي، بنسټیز، چاپېریالي، ټولنیز او روغتیايي فکتورونه په پام کې نیول شوي او د ملي او نړیوالو معیارونو سره سم طرحه شوې ده. دا د فاضلابو د تصفیې سیستم عملي، د هېواد له شرایطو سره برابر، د لږې انرژۍ اړتیا لرونکی او داسې دی چې د ساتنې او پالنې لپاره ماهرو کسانو ته اړتیا نه لري.