خبرتیاوې

په دې توګه، د تدارکاتو قانون د (۴۳) مادې د (۲) فقرې په اساس،  خلکو ته خبر ورکول کیږي چې د امارتي شرکتونو لوی ریاست اړوند د ښاري اوبو رسولو او فاضلابو امارتي شرکت اجرائیوي ریاست په پام کې لري چې د ښاري اوبو رسولو او فاضلابو امارتي شرکت د زونونو د اړتیا وړ ۲۵۰۰۰ (پنځه ویشت زره) عدده دروازې پلیټونو د جوړولو او تدارکاتو قرارداد، چې اړوند خدمات او انتقال یې هم د اکمال کوونکي پر غاړه دی، د UWASSC-SOC/1404/NCB/G/012 داوطلبۍ له لارې محترم  «ګلاب الدین خانزاده»  تجارتي او لوژستیکي شرکت ته چې د جواز شمېره D-14195 او پته یې کابل ولایت، قوای مرکز، نجیب زراب مارکیټ ده، ورکړي. د دې پروژې مجموعي بیه ۶۶۹,۰۰۰.۰۰ (شپږ سوه او نهه شپېته زره) افغانۍ ده.

هر هغه حقیقي او حکمي شخص چې په دې برخه کې اعتراض لري، کولی شي خپل اعتراضونه د دې اعلان له خپرېدو نېټې څخه تر اوو (۷) تقویمي ورځو پورې په لیکلي ډول او د اسنادو او دلایلو سره یوځای، د تدارکاتو قانون د پنځوسمې (۵۰) مادې د احکامو مطابق، د کابل ښار اتمې ناحیې، سرتپه کارته نو، د ښاري اوبو رسولو او فاضلابو امارتي شرکت اجرائیوي ریاست ته وسپاري.

دا خبرتیا د قرارداد د ورکړې په معنی نه ده، او تر هغه وخته چې پورتنۍ موده پوره نه شي او نورې قانوني پروسې ترسره نه شي، د قرارداد عقد به نه ترسره کیږي.