خبرونه

د ښاري اوبو رسولو او فاضلابو امارتي شرکت لوی رئیس په مشرۍ د مرکزي او زونونو او امرینو په ګډون د ۱۴۰۳ کال د لومړیو شپږو میاشتو د زونونو د چارو ارزونې او تحلیل په موخه ناسته ترسره شوه.

یاده ناسته د قرانکریم د سو مبارکو ایاتونو په تلاوت سره پيل شوه؛ د ښاري اوبو رسولو او فاضلابو امارتي شرکت لوی رئیس ښاغلي مولوي غلام الرحمن کظیم د ښه راغلاست ترڅنګ د شرکت مسئولینو، مسؤلیتونو او صلاحیتونو څخه د سالمې او پر وخت  ګټې اخیستنې په اړه وغږید، اوبه رسول یې مقدسه دنده وبلله، او د اوبو رسولو خدماتو پراخوالي او د پيرودونکو د رضایت په لاسته راوړلو يې تأکید وکړ.

لوی رئیس یاده ناسته د اوبو رسولو زونونو د خدماتو پر وړاندې د ستونزو او خنډونو د رفع کولو لومړی قدم وباله او زیاته یې کړه: د ښاري اوبو رسولو شرکت لوی ریاست به د شبکو پراخوالي، ګټورو خدمتونو وړاندې کولو او هیوادوالو ته د څښاک پاکو اوبو برابرولو کې به هيڅ ډول هڅه ونه سپموي.

په تعقیب یې د کابل، هرات، کندهار، جلال اباد زونونو او زرنج ریاست په ترتيب د روان کال د لومړیو شپږ میاشتو د خپلو تخنیکي، مالي او اداري، تجارتي، عملیاتي او تدارکاتي څانګو د لاسته راوړنو او کړنو په اړه مفصل راپور وړاندې کړ په پای کې د مرکزي رئیسانو له لورې پوښتنې او نظرونه مطرح شول او د زونونو رئیسانو له لورې ځواب ورکړل شو.