د ښاري اوبو رسولو او
فاضلابو امارتي شرکت لوی رئیس ښاغلي مولوي غلام الرحمن کظیم د دې شرکت د عملیاتي
رئیس ښاغلي انجنیر نصیر احمد احمدي په ملتیا د کندهار ولایت له سفر وروسته نیمروز
ولایت ته لاړ او د یاد ولایت له والي سره یې
ولیدل.
په دغه لیدنه کې د شرکت
لوی رئیس ښاغلي مولوي غلام الرحمن «کظیم» د اوبو رسولو امارتي شرکت د لاسته راوړنو،
پروژو او کړنو په اړه د ولایت مقام رهبرۍ ته مفصل معلومات وړاندې کړل، او د یاد
ولایت اوسیدونکو ته د اوبو رسولو شبکو د پروژو پراختیا په برخه کې یې د لا زیاتې
مرستې غوښتنه کړه.
په همدې لیدنه کې د نیمروز
ولایت والي شیخ محمد قاسم خالد په داسې حال کې چې د ښاري اوبو رسولو امارتي شرکت د
رهبرۍ مقام او مسؤلینو د نه ستړی کیدونکو هڅو ستاینه وکړه، د یاد ولایت اوسیدونکو
ته د څښاک پاکو اوبو رسولو پر اهمیت خبری وکړې او یادونه یې وکړه چې ولایت مقام ښاریانو
ته د څښاکو د پاکو اوبو په برابرولو کې دوامدارې مرستې ته تیار دی.
د ولایت مقام رهبرۍ له
ملاقات وروسته د شرکت لوی رئیس ښاغلي مولوی غلام الرحمن «کظیم» د زرنج ښار د اوبو
رسولو د کار لاندې لویې پروژې او نورو تولیدي او توزیعي پروژو له تأسیساتو او په
دغه ولایت کې د اوبو رسولو د سرچینو څخه لیدنه وکړه او د اوبو رسولو د ښه چوپړتیاوو
د لا ښه والې لپاره یې لازمې لارښوونې وکړي.