د ښاري اوبو رسولو او
فاضلابو امارتي شرکت د اجرائيوي کميټې ناسته د شرکت اجرائيوي رئيس ښاغلي مولوي
غلام الرحمن کظيم په مشرۍ، د اجرائيوي کميټې د غړو، او د شرکت د مرکزي رئيسانو او
آمرينو په شتون کې ترسره شوه.
د ښاري اوبو رسولو او
فاضلابو امارتي شرکت اجرائيوي رئيس
ښاغلي مولوي غلام الرحمن
کظيم د ناستې هدف د ادارې او مشترکينو د ستونزو حل، او د تمویل کوونکو له خوا د
پلي شویو اوبو رسولو پروژو په سپارلو کې یې د شفافیت په رامنځته کولو ټینګار وکړ.
په یاده غونډه کې د
اجرائيوي کميټې محترمو غړو په اجنډا کې د شاملو موضوعاتو په اړه بحث او نظرونه
تبادله کړل، د اړتیاوو د تنظیم او نورم د تنظيم په موخه او د اړینو وسایلو او توکو
د تدارک او قیمت د څرنګوالي په منظور دوه کمېټې جوړې شوې، او همدارنګه د شرکت د
مالي، پورونو او غوښتنو په اړه د شرکت د رئیس له لوري هر اړخیزې پرېکړې وشوې او
لازم تصمیمونه ونیول شول.