د ښاري اوبو
رسولو او فاضلابو امارتي شرکت د مدیره پلاوي ناسته د ښاغلي قاضي نعیم الدین عمر په
مشرۍ او د اقتصاد او د ښار او کور جوړولو وزارتونو څخه د شرکت د مدیره پلاوي د غړو
په حضور کې ترسره شوه.
په پیل کې د
مالیې وزارت استازی او د شرکت د مدیره پلاوي رئیس ښاغلي قاضي نعیم الدین عمر د
اوبو رسولو شرکت د پروخت کړنو او په ځانګړي توګه د مالي، سوداګریز او تدارکاتي
پلان چمتو کولو څخه د مننې ترڅنګ ځینې پوښتنې مطرح کړې چې مسؤلینو يې ځواب ورکړ.
ورپسې، د
شرکت مالي او حسابي رئیس ښاغلي ضیاءالحق
همتي، د ۱۴۰۴
کال مالي پلان د یو پرزنټېشن له لارې د مدیره پلاوي محترمو غړو ته وړاندې کړ، چې
له هر اړخیزو بحثونو او خبرو اترو وروسته د یادو غړو له خوا تأیید شو.
په دوام يې د
شرکت تجارتي رئیس ښاغلي انجنیر عبدالمتین مطمئن او د تدارکاتو آمر ښاغلي سردار ولي
عثمان د اوبو رسولو امارتي شرکت تجارتي او تدارکاتي پلانونه د بیلا بیلو پرزنټشنونو
له لارې د پلاوي غړو ته وړاندې کړل او د شرکت د مدیره پلاوي له لورې تائید شول.
همداراز په دې
ناسته کې د متفرقه موضوعګانو لکه د اوبو رسولو شرکت ملکیتونو او قراردادیانو په اړه
بحث او د نظرونو تبادلې ترڅنګ د مدیره پلاوي له لورې اړین تصمیمونه ونیول شول.