د کابل ښار د فاضلابو خصوصي تصفیه خونو د معیاري
کولو او ستونزو د حل په موخه د ښاري اوبو رسولو او فاضلابو امارتي شرکت د فاضلابو
د چارو د تنظیم رئيس ښاغلي انجنیر فایقالله جمال، او د شرکت تجارتي رئيس ښاغلي
انجنیرعبدالمتین مطمئن، د کابل ښار د فاضلابو د تصفیه خونو له مسئولینو سره ناسته
ترسره کړه.
په پیل کې د تصفیه خونو مسئولینو د تېرې ناستې
د سپارښتنو د تطبیق لنډ راپور وړاندې کړ او د خپلو ځینو ستونزو د حل لپاره یې د لا
زیاتې همکارۍ غوښتنه وکړه.
په دوام یې، ښاغلي انجنیر فایقالله جمال د یادو
راپورونو تر اورېدو وروسته، د تصفیه خونو د معیاري کولو پر تطبیق ټینګار وکړ او د
شته ستونزو د حل لپاره یې د لازمې همکارۍ ژمنه وکړه.
په پای کې پرېکړه وشوه چې ټولې تصفیه خونې به
د نړیوالو معیارونو سره سم تنظیمیږي؛ که دا شرط عملي نه شي، نو د قانون له مخې به یې
د فعالیت مخه ونیول شي.