د مزار شریف ښار د اوبو رسولو د خدمتونو د پراختیا لپاره د سطحي اوبو څخه ګټه اخیستنه
1404-03-07
د اوبو رسولو او فاضلابو
امارتي شرکت مسئولینو او د سره صلیب نړیوالې کمېټې (ICRC) د استازو ترمنځ ناسته ترسره شوه، د مزار شریف ښار د اوبو
رسولو شبکو لپاره د سطحي اوبو د استعمال او یو متمرکز سیسټم د جوړولو لارې چارې وڅېړل
شوې.
په دې لیدنه کې د شرکت
عملياتي رئیس او د تخنيکي رياست سرپرست انجنیر نصیر احمد احمدي، ټینګار وکړ چې د
مزار شریف ښار اوبو رسولو شبکې باید په
متمرکز سیسټم سمبالې شي. نوموړي زیاته کړه: "د اوبو رسولو د خدمتونو د
پراختیا او د اوبو د تولید د ظرفیت د لوړولو لپاره، د سطحي اوبو کارونه یوه جدي اړتیا
ده."
بل لور ته، مېرمن ویرونیک
ویبر، د نړیوال سره صلیب د کمېټې د اوبو او کور جوړونې برخې همغږې کوونکې، یاد شوي
طرحې ته ښه راغلاست ووايه او ډاډ یې ورکړ چې د یاد پروژې د عملي کېدو په بهیر کې
به ICRC د اوبو رسولو
امارتي شرکت ترڅنګ پاتې شي.
د ناستې په پای کې پرېکړه
وشوه چې د یادی شوې پروژې پرپوزل به د اوبو رسولو امارتي شرکت او د سره صلیب نړیوالې کمېټې له لورې په ګډه
ترتيب او تر وروستي پړاو پورې وڅارل شي.