د شاهتوت او شاهوعروس بندونو د اوبو رسولو پروژو د مدیریت ارزونې او د کار د چټکتیا غونډه ترسره شوه
1404-05-07
درینۍ/سه شنبه 4 صفر
المظفر 1447
د شاه توت او شاه وعروس
بندونو د اوبو رسولو پروژو له لارې د انتقال وړ اوبو د مدیریت، سروی، ډیزاین، تولید،
تطبیق او تأمین د چارو د لا ښه سمون په موخه، د اوبو رسولو امارتي شرکت د محترم
مولوي غلامالرحمن کظیم په مشرۍ، د شرکت د مرکزي ریاستونو د رییسانو په ګډون یوه
رسمي غونډه د یاد ریاست په مقر کې ترسره شوه.
په یاده غونډه کې، د شرکت
اجرائیوي رئیس محترم مولوي غلامالرحمن کظیم، پر دې ټینګار وکړ چې باید د یادو
پروژو د تطبیق بهیر چټک شي. نوموړي زیاته کړه:
"زموږ مسؤلیت
دا دی چې د هېواد ښاریانو ته کافي او پاکې اوبه ورسوو، او په دې برخه کې باید له هېڅ
هڅې ډډه و نه کړو."
ورپسې، انجنیر نصیر احمد
احمدي، د شرکت عملیاتي رئیس او د تخنیکي ریاست سرپرست، د یادو پروژو د تطبیقي پړاوونو
مفصل راپور وړاندې کړ او څرګنده یې کړه چې:
"په یاده
پروژه باندې کار د پلان سره سم په نورمال ډول روان دی."
د غونډې په پای کې، د ټاکل
شوې مهالوېش له مخې، د یادو پروژو د ګټې اخیستنې لپاره کاري پلانونه تنظیم شول، او
اړوندو مسؤولینو ته د شرکت د رهبرۍ له لورې اړینې لارښوونې و شوې.