اجرائیوي رئیس: د ځمکې لاندې اوبو کارول لنډمهاله حل دی، په اوږدمهال کې د سطحي اوبو د ګټې اخیستنې معیاري پلانونه به پام کې لرو.
1404-05-22
د سطحي اوبو د اغېزمنې
کارونې او د اوبو د معیاري تصفیهخانو د جوړولو په موخه، د ښاري اوبو رسولو او
فاضلابو امارتي شرکت اجرائیوي رئیس، محترم مولوي غلامالرحمن کظیم، د ایران د
«پارت سازه حافظ توس» ساختماني او سوداګریز شرکت له رئیس سره وکتل.
په غونډه کې، محترم مولوي
غلامالرحمن کظیم، د ځمکې لاندې اوبو کارونه یوازې د لنډمهاله اړتیاوو لپاره وبلل
او څرګنده یې کړه: «د هېواد د اقلیمي شرایطو له مخې، خلکو ته د څښاک پاکو اوبو د دوامدارې رسونې
لپاره باید په اوږدمهال کې د سطحي اوبو څخه ګټه واخیستل شي. په همدې تړاو موږ معیاري
او پایدار پروګرامونه په لاس کې لرو.»
ورپسې، د یاد ایرانی شرکت
استازي، ښاغلي احسان حافظ نظامي، د خپل شرکت د تجربو او لاسته راوړنو په اړه لنډ
معلومات وړاندې کړل او زیاته یې کړه: «افغانستان د سطحي اوبو له پلوه بډای هېواد دی،
او د معیاري، لږ لګښته تصفیهخانو په جوړولو سره، د څښاک اوبو ستونزې د ټولو ښاریانو
لپاره حلولای شي.»
همدارنګه هغه ډاډ ورکړ چې
که اړتیا وي، د دوی مسلکي ټیم چمتو دی د سطحي اوبو د استفادې په موخه د تصفیهخانو
په جوړولو کې د ښاري اوبو رسولو او فاضلابو امارتي شرکت سره همکاري وکړي.