خبرونه

د کابل زون د اوبو رسولو د انجنیرۍ بست او  د اجرائیوي ریاست د ویبپاڼې عمومي مدیر بست لپاره رقابتي ازموینه د یاد ریاست په ګوهرشاد بېګم تالار کې ترسره شوه.

په دې ازموینه کې چې له ۲۰ څخه ډېرو کسانو ګډون کړی و، د شرکت عملیاتي او اداري محترمو رئیسانو او د ازموینې د ټاکل شوې کمېټې تر څارنې لاندې په بشپړ شفافیت سره ترسره شوه.

ټاکل شوې ده چې د ازموینو له بشپړېدو وروسته، چې تحریري او تقریري پړاوونه پکې شامل دي، دوه تنه وړ او د شرایطو مطابق کسان د خپلې وړتیا پر بنسټ د ازموینې د ټاکل شوې کمېټې له خوا غوره او په یادو بستونو کې په دنده وګمارل شي.

یاده دې وي چې یاد بستونه له وړاندې د ښاري اوبو رسولو او فاضلابو امارتي شرکت په رسمي ویبپاڼه، د کارموندنې په ویبپاڼو کې د غوښتونکو د ګډون لپاره اعلان ته سپارل شوي وو.