د ښاري اوبو رسولو او فاضلابو امارتي شرکت د چاپېریال ساتنې، د
ځمکنيو اوبو د ککړتیا مخنیوي او د کابل ښاریانو د فاضلابو مدیریت ستونزو د حل په
موخه، پلان لري چې یو د ۲۵۰۰ متر مکعب ظرفیت لرونکی د فاضلابو تصفیې خانو، د فاضلابو د ټانکرونو لپاره، د کابل ښار په ګلباغ
سیمه کې د ۵۰ جریبه ځمکې په مساحت جوړ کړي.
محترم مولوي
غلام الرحمن کظیم د ښاري اوبو رسولو او فاضلابو امارتي شرکت اجرائیوي رئیس د محترم انجنیر فایق الله جمال د
فاضلابو چارو تنظیم رئیس او د تخنیکي انجینرانو ټیم په ملتیا د یادې سیمې د لیدنې پر
مهال وویل: "د ټانکرونو لپاره د دې ډول تصفیې خونو جوړول د کابل د ښاریانو له اساسي
اړتیاوو څخه دي. نوموړي زیاته کړه چې: د دې تصفیه خاني په جوړېدو سره به د کابل ښار لویدیځ
او جنوب لویدیځ اوسېدونکو ته د فاضلابو د انتقال ستونزې حل شي.
په دوام کې،
محترم انجنیر فایق الله جمال د ښاري اوبو رسولو او فاضلاب امارتي شرکت د فاضلابو
چارو رئیس
د چاپېریالي موضوعاتو او تخنیکي اړخونو په اړه معلومات ورکړل او ویې ویل: د دې
تصفیه خوني د سروې او ډيزاین چارې به د شرکت د انجنیرانو له خوا ډېر ژر
پیل شي.