د ښاري اوبو رسولو او
فاضلابو امارتي شرکت د مدیره پلاوي غونډه د ښاغلي قاضي نعیمالدین عمر، د مدیره
پلاوي رئیس، په مشرۍ او د مالیې، اقتصاد، ښار جوړونې او استوګنې وزارتونو، او د
امارتي شرکتونو لوی ریاست د استازو په ګډون، د شرکت اجرائیوي رئیس مولوي
غلامالرحمن کاظم او د ښاری اوبو رسولو د مرکزي رئیسانو په حضور، د یاد ریاست
په مقر کې تر سره شوه
په پیل کې د ښاري اوبو رسولو او فاضلابو امارتي شرکت اجرائیوي رئیس ښاغلي مولوي غلامالرحمن کاظم، د مدیره پلاوي رئیس او غړو ته ښه
راغلاست ووایل او د شرکت د اوبو سرچینو په اړه، په ځانګړي ډول
د پنجشیر له سیند، د شاه او عروس له بندونو او د شاهتوت له زیرمې څخه د اوبو د انتقال
او وېش په اړه، تفصیلي معلومات وړاندې کړل. نوموړي د مدیره پلاوي له غړو څخه د
شرکت د پروګرامونو او ستراتیژیکو پلانونو د پلي کولو په برخه کې د لا زیاتې همکارۍ
غوښتنه وکړه.
وروسته، د سوداګریزو چارو
رئیس ښاغلي عبدالمتین مطمئن، د شرکت مالي
او حسابي رئیس ښاغلي ضیاءالحق همتي او د کابل زون د اوبو رسولو
رئیس ښاغلي شفیعالله زاهدی د اجنډا اړوند موضوعات وړاندې
کړل، چې پکې شامل وو: د شرکت د بازارموندنې پلان، د ۱۴۰۴ لمریز مالي کال د لومړۍ
او دویمې ربعي د تطبیق راپور، د کابل ښار د منځمهاله پروژې د (۵۰۰۰) متر مکعبه زېرمه
د ساتنې لپاره د پرسونل ګمارنه، او د شرکت د بانکي حسابونو منظمول اړه بحث او د نظرونو تبادلې ترڅنګ د مدیره پلاوي له لورې اړین تصمیمونه ونیول
شول.
په پای کې د ښاري اوبو رسولو او فاضلابو امارتي شرکت د مدیره پلاوي رئیس ښاغلي قاضي نعیمالدین
عمر د مسؤلینو د اغېزناکو کړنو او د شرکت د رهبري د نوښتګرو لاسته راوړنو څخه چې
موخه یې د اوبو رسولو د خدمتونو پیاوړتیا، د شبکو پراختیا، او د پاکو اوبو د تولید
او وېش زیاتوالی دی، مننه او ستاینه وکړه. نوموړي ژمنه وکړه چې د مدیره پلاوي غړي
به د شرکت د موخو د تحقق لپاره هر اړخیزه همکاري وکړي.