خبرونه

د ښاري اوبو رسولو او فاضلابو امارتي شرکت اجرائیوي رئیس، محترم مولوي غلام‌الرحمن کظیم، د عملیاتي چارو رئیس، محترم انجنیر نصیر احمد احمدي او د تخنیکي چارو رئیس، محترم انجنیر ندي‌الله نیازی په ملتیا د لوګر ولایت د اوبو رسولو آمریت څخه لیدنه ترسره کړه.

اجرائیوي رئیس او مل پلاوي د لوګر ښار د اوبو رسولو له تأسیساتو، اوبیزو سرچینو او شبکو څخه کتنه ترسره کړه او د دغو مهمو تأسیساتو د اغېزمنې کارونې، ساتنې او پر وخت څارنې پر ارزښت یې ټینګار وکړ.

د لیدنې په ترڅ کې اجرائیوي رئیس، محترم مولوي غلام‌الرحمن کظیم د یاد آمریت د کارکوونکو نظریات، وړاندیزونه او ستونزې واورېدې او یادونه یې وکړه چې د ښاري اوبو رسولو او فاضلابو امارتي شرکت د خپلو شبکو د پراختیا لپاره جدي ژمنتیا لري او ډېر ژر به د لوګر ښار ټولې سیمې د اوبو رسولو خدماتو تر پوښښ لاندې راولي.

په پای کې، د عملیاتي چارو رئیس، محترم نصیر احمد احمدي او د تخنیکي چارو رئیس، محترم انجنیر ندي‌الله نیازی د لوګر د اوبو رسولو آمریت کارکوونکو ته اړینې لارښونې وکړې. د دندو او مسوولیتونو د تشریح تر څنګ، یې د مسؤولیت‌پذیرۍ، دندو کې د هڅې او صداقت ټینګار وکړ او دا یې د شرکت د خدمتونو بنسټیز اصول وبلل.