د ښاري اوبو رسولو او فاضلابو امارتي شرکت
اجرائیوي رئیس ښاغلي مولوي غلامالرحمن کظیم، د عملیاتي چارو رئیس ښاغلي انجنیر نصیر
احمد احمدي، د تخنیکي چارو رئیس ښاغلي انجنیر نديالله نیازي او د فاضلابو د چارو
رئیس ښاغلي انجنیر فایقالله جمال په ملتیا د خوست ولایت د اوبو رسولو آمریت له څارنې
وروسته ګردېز ښار ته ولاړل او له یاد آمریت څخه یې لیدنه وکړه.
د لیدنې په پیل کې، د ګردېز ښار د اوبو رسولو
آمریت آمر، ښاغلي مولوي فضل حامد مستقیم، د دې آمریت د فعالیتونو او لاسته راوړنو
لنډ راپور د شرکت د رهبري پلاوي سره شریک کړ. نوموړي همدارنګه د اوبو رسولو د
خدماتو د لا ښه والي او د فاضلابو د چارو د سم مدیریت په اړه څو مهم وړاندیزونه وړاندې
کړل چې د شرکت د رهبري پلاوي له لورې تائید او وستایل شول.
وروسته اجرائیوي رئیس د اوبو رسولو د چوپړتیاوو
د کیفیت د لوړولو، د ګردېز ښار د څښاک اوبو د اړتیاوو د تأمین، د اوبو د ضایعاتو د
کمولو، د تولید د زیاتوالي او د عوایدو او طلباتو د منظم راټولولو په اړه اړینې لارښوونې
صادرې کړې. نوموړي زیاته کړه چې د اوبو رسولو د شبکو د بنسټونو د پیاوړتیا لپاره
پراخ اقدامات په پلان کې دي او ان شاء الله په نږدې راتلونکي کې به په ځانګړي ډول
په عملیاتي برخه کې د شبکو د پراختیا عملي چارې پيل شي.
په پای کې، د شرکت د رهبري پلاوي د ګردېز د
اوبو رسولو آمریت د تولید، توزیع مرکزونو، تأسیساتو او شبکو کتنه وکړه او د دغو
تاسیساتو د ساتنې او اغېزناکه کارونې پر ارزښت یې ټینګار وکړ.