د ښاري اوبو رسولو او
فاضلابو امارتي شرکت اجرائیوي رئیس، ښاغلي مولوي غلامالرحمن کظیم، د ترکیې د
«سونا» شرکت له استازي سره په لیدنه کې د اوبو رسولو شبکو د ډیجیټل کولو په اړه
خبرې وکړې.
په دې کتنه کې، د سونا
شرکت استازي د شبکو ډیجیټل کولو په برخه کې د خپل شرکت تجربې شریکې کړې او زیاته یې
کړه، چې یاد شرکت د مسلکي کارکوونکو په درلودلو سره چمتو دی ترڅو د اوبو رسولو ټولې
شبکې له نړیوالو معیارونو سره سم ډیجیټل کړي.
همدارنګه د شرکت اجرائیوي
رئیس ښاغلي کظیم د اوبو رسولو شبکو او د خدمتونو وړاندې کولو په اړه لنډ معلومات وړاندې
کړل او د شبکو د ډیجیټل کولو د وړاندیز هرکلی یې وکړ.
په پای کې، له هر اړخیزو
بحثونو وروسته پرېکړه وشوه، چې په راتلونکو ناستو کې به د دواړو خواوو ترمنځ د
همکاریو په بېلابېلو برخو، په ځانګړې توګه د شبکو د ډیجیټل کولو په اړه پریکړې
وشي.