د ښاري اوبو رسولو او فاضلابو امارتی شرکت د
داخلي پلټنې ټیم، چې مشري یې د داخلي پلټنې آمر ښاغلي عبدالهادي عمري کوله، د
پلخمري د اوبو رسولو له آمریت څخه لیدنه او ارزونه ترسره کړه.
دغه ټیم د اداري چارو د روڼتیا د رامنځته کولو،
د اوبو رسولو او فاضلابو د خدمتونو د اغېزمنتیا د ارزونې، د شبکو د وضعیت د کتنې
او د شته ستونزو د معلومولو په موخه یاد آمریت ته سفر کړی و.
د داخلي پلټنې ټیم غړو د آمریت له بېلابېلو څانګو
لیدنه وکړه، مهم موارد یې وڅېړل او خپلې لومړنۍ موندنې یې ثبت کړې، تر څو د اوبو
رسولو د خدمتونو د بهیر او ممکنه ستونزو په اړه روښانه انځور وړاندې کړي.
د یادونې وړ ده چې د دې ارزونې پایلې به د لیدنې
تر بشپړېدو وروسته په یو مفصل راپور کې ترتیب او د شرکت له رهبرۍ سره شریکې شي. له
هر اړخیزې څېړنې وروسته به د ستونزو د حل، د چارو د سمون او د اړتیاوو د پوره کولو
په موخه اړینې پرېکړې ترسره شي.