د ښاري اوبو رسولو او
فاضلابو امارتي شرکت اجرائیوي رئیس، ښاغلي مولوي غلام الرحمن کظیم شمال زون ته د
خپل سفر په لومړۍ ورځ د سمنګان ولایت د اوبو رسولو له آمریت څخه لیدنه وکړه.
د اوبو رسولو اجرائیوي رئیس
د مزارشریف زون د اوبو رسولو رییس ښاغلي انجنیر نصرالدین نصرت، د ایبک ښار د اوبو
رسولو آمر، د مرکز د تخنیکي انجنیرانو د پلاوي او د سمنګان ولایت د ټول ګټو ریاست
د استازي په ملتیا، د ایبک ښار د څښاک اوبو د تولیدي او لېږدونکو سرچینو د ارزونې
په موخه د یاد ولایت خرم او سارباغ ولسوالۍ ته سفر وکړ.
د دغه سفر موخه د اوبو د
هغې ۴۵۰ ملي متري لېږدونکې نللیکې د زیانمنو شویو برخو تخنیکي څېړنه وه، چې د
وروستیو موسمي سېلابونو له امله رابرسېره شوې دي. د شرکت اجرائیوي رئیس د موضوع په
اهمیت ټینګار وکړ او د رامنځته شوې ستونزې د حل او د څښاک اوبو د احتمالي پرچاوۍ د
مخنیوي لپاره یې د عاجلو او اغېزمنو ګامونو پورته کولو لارښوونه وکړه، ترڅو د ایبک
ښار نږدې ۱۰ زره کورنۍ چې له دغو اوبو ګټه اخلي، له ستونزو سره مخ نشي.
همدارنګه، د شمال زون د
اوبو رسولو رئیس او د سمنګان د اوبو رسولو آمر په خدماتو کې د اسانتیاوو راوستلو
او د اوبو د تولید او وېش د زیاتوالي په موخه خپل وړاندیزونه او نوې طرحې د شرکت
له مشرتابه سره شریکې کړې، چې د شرکت مشرتابه مقام له لوري تائید شوې.