د لا ډېرې
همغږۍ، د نشراتي چارو د چټکتیا، د روڼتیا د پیاوړتیا، د معلوماتو رسونې د معیاري
کولو او دولت او خلکو ته د معلوماتو د رسولو د اسانتیاوو د رامنځته کولو په موخه،
د امارتي شرکتونو د لوی ریاست د مرستیال او د دفتر رئیس، د ښاري اوبو رسولو او
فاضلابو امارتي شرکت د اداري رئیس او د هېواد له بېلابېلو سیمو څخه د امارتي
شرکتونو د څه باندې ۳۰ تنو نشراتي مسؤلینو په ګډون، د ښاري
اوبو رسولو او فاضلابو امارتي شرکت د غونډو په تالار کې د همغږۍ غونډه ترسره شوه.
د غونډې
په پیل کې د امارتي شرکتونو د لوی ریاست د تعقیب، ارزونې او پالیسۍ مرستیال، ښاغلي
مولوي محمودشاه زاهد، د نشراتو او عامه پوهاوي پر اهمیت خبرې وکړې او ویې ویل:
«خلک حق لري چې د امارتي شرکتونو له فعالیتونو، لاسته راوړنو او خدمتونو خبر شي،
له همدې امله زموږ دنده ده چې پر وخت، معیاري او روڼ معلومات له خلکو سره شریک کړو.»
ورپسې
د امارتي شرکتونو د لوی ریاست د دفتر رئیس، ښاغلي مولوي سعیدالرحمن مظهري، د ټولو
امارتي شرکتونو د نشراتي مسؤلینو ترمنځ پر لا ډېرې همغږۍ ټینګار وکړ. نوموړي د دې
غونډې موخه د مسؤلیت احساس پیاوړی کول، د معلوماتو رسونې پر وړاندې د شته ستونزو
هوارول او د نشراتو معیاري کول وبلل.
همدارنګه
د ښاري اوبو رسولو او فاضلابو امارتي شرکت اداري رئیس، ښاغلي شیخ سمیعالله
نورستاني، د اسلام له نظره او د تاریخ په اوږدو کې د معلوماتو رسونې د ارزښت او
اهمیت په اړه خبرې وکړې او ویې ویل: «په تېرو کلونو کې د دین او هېواد دښمنانو د
دروغجنو تبلیغاتو پراخه جبهه فعاله کړې وه، اوس زموږ دنده ده چې د ډلهییزو رسنیو
له لارې د حقایقو په بیانولو سره خلک او نړیوال له واقعیتونو خبر کړو.»
وروسته
د امارتي شرکتونو د لوی ریاست ویاند، ښاغلي مولوي محمدنبي بهار، د غونډې موضوعات ګډونوالو
ته وړاندې کړل. ورپسې د امارتي شرکتونو نشراتي مسؤلینو د یادو موضوعاتو په اړه خپل
نظرونه، وړاندیزونه او د معلوماتو رسونې په برخه کې شته ستونزې شریکې کړې، چې د
مسؤلینو له لوري د همکارۍ ډاډ ورکړل شو.
غونډه
د معلوماتو رسونې د معیاري کولو په اړه د یو پرېزنټېشن په وړاندې کولو سره پای ته
ورسېده.