د شاه او عروس بند څخه کابل ښار ته د څښاک اوبو د لېږد پروژه
د ښاري اوبو رسولو او فاضلابو امارتي شرکت، چې د اوبو رسولو او فاضلابو د خدمتونو د وړاندې کولو ملي او مسؤل بنسټ دی، په پام کې لري چې د شاه او عروس بند څخه کابل ښار ته د څښاک اوبو د لېږد پروژه د عامه او خصوصي مشارکت (PPP) له لارې پلې کړي.
له همدې امله، له ټولو لېوالو شرکتونو او پانګهوالو څخه غوښتنه کېږي چې د دې اعلان د خپرېدو له نېټې څخه تر لسو کاري ورځو پورې خپله لېوالتیا ښکاره او د ښاري اوبو رسولو ریاست ته مراجعه وکړي.
