د کابل ښار د اوبو رسولو منځمهاله پروژه د کابل ښار لپاره یوه له لویو او معیاري پروژو څخه ده چې د المان پراختیايي بانک، د امریکا متحده ایالاتو پراختیایي ادارې او د فرانسې پراختیايي ادارې له لورې په ګډه د 70 میلیونه یورو څخه په زیات مالي لګښت پلي کېږې. پدې پروژه کې د لسو څاګانو کیندنه، د 11650 مټر په اوږدوالي د لېږد پایپ، او یوه 5000 مټر مکعبه ذخیره موجود دي چې د پلي کېدو وروسته به د کابل ښار په لسمې او څلورمې ناحیو کې 23000 کورنیو ته پاکې څښونکې اوبه برابرې کړي.