د کابل ښار امین آباد پروژه د اوبو رسولو شرکت د پراختیایي پروژو له ډلې ده چې د کابل ښار لپاره ده او د پلي کېدو کار یې 1397 کال زمري په 7 مې نېټې د قراردادي شرکت له لورې پیل شو، دا پروژه لاندې برخې لري: د یوې ډوبې څاه کیندنه او تجهیزات یې، د یوې 250 مټر مکعبه ارتفاعي ذخېرې جوړښت او د 8.4 کیلو مټره په اوږدوالي یوې شبکې جوړول. د دې پروژې ټول لګښت 24،903،924 افغانۍ دی چې د افغانستان دولت پراختیایي بودیجې لخوا پرې کېږي. دا پروژه به دپلي کېدو وروسته 1200 کورنیو ته د پاکو څښونکو اوبو خدمات په مستقیمه توګه وړاندې کړي.